தஸ்தயேவ்ஸ்கி
தஸ்தயேவ்ஸ்கி : பிசாசும் சித்தாந்தவாதியும் : ஆக்டேவியோ பாஸ் தமிழில் : ஜனார்த்தனன் இளங்கோ ஜனார்த்தனன் இளங்கோ ஆக்டேவியோ பாஸ் நோபல் பரிசு பெற்ற மெக்சிகோவை சேர்ந்த கவிஞரும், சிந்தனையாளருமான ஆக்டேவியோ பாஸ் (Octavio Paz) (1914-1998), லத்தீன் அமெரிக்க இலக்கியத்தின் முக்கியமான ஆளுமைகளில் ஒருவர். கவிதை, தத்துவம், அரசியல் மற்றும் பண்பாட்டு விமர்சனம் எனப் பல தளங்களில் இயங்கிய இவரது எழுத்துக்கள், நவீன மனிதனின் அக முரண்பாடுகளையும், அரசியல் வரலாற்றின் வீழ்ச்சிகளையும் கூர்மையாகப் பகுப்பாய்வு செய்பவை எனலாம். ஆக்டேவியோ பாஸ் எழுதிய புகழ்பெற்ற “On Poets and Others” என்னும் கட்டுரைத் தொகுப்பில் இடம்பெற்றுள்ள “Dostoevski: The Devil and the Ideologue” என்ற கட்டுரை இங்கே மொழிபெயர்க்கப்பட்டுள்ளது. தஸ்தயெவ்ஸ்கியின் படைப்புகளை இலக்கிய, இறையியல் தளங்களில் அணுகும் பொதுவான வழிமுறையில் இருந்து இக்கட்டுரை முற்றிலும் வேறுபடுகிறது. தஸ்தயெவ்ஸ்கியை இருபதாம் நூற்றாண்டின் அரசியல் மற்றும் சித்தாந்த வெறிகளின் தீர்க்கதரிசியாகப் பார்க்கும் ஆக்டாவியோ பாஸ், அவர் உருவாக்கிய கதாபாத்திரங்களின் அகத்தில் குடிகொண்டிருக்கும் பிசாசுகளைய...